WAR BIXIN KU SAABSAN SAHAMINTA XAALADDA ABAAREED EE DALKA
Kormeero ka Socda “Hay’adda Udiyaargarawga Aafada iyo Kaydka Raashinka Qaran ee NADFOR” ayaa Sahan Abaareed ugu baxay dhammaan gobollada dalka , maalinimadii khamiiseed ee 25kii Octoober ,hawlgalkaas oo qaatay 14maalmood ah,waxa la soo gabagabeeyay 9kii Bisha Noofamber ee 2021ka.
Kooxdii koowaad waxay u baxday oo soo sahamiyeen inta badan Waaxyaha Ilaha dhaqan-dhaqaalle ee Bar iyo Beeralayda, iyo Xoola-dhaqatada ee Hoos yimaad Gobollada Galbeedka sida Saahil,Maroodijeex iyo Gobolka Awdal,halka Kooxdii 2aadna ay sahankoodii ku mareen dhul ballaaran ama deegaanno badan oo hoos yimaad Gobollada Bariga ( sida Togdheer,Sool iyo Sanaag).
Guud ahaanba Kormeerkii Hay’adda NADFOOR u dirta Sahaminta Gobolladu waxay soo ogaadeen in Roobkii Deyrta ee 2021ku uu ahaa mid seel seel ah, celcelis ahaana hooseeyay ,muddaduu da’ayayna koobnayd . Waxay ku soo warbixiyeen Isku duwayaasha Gobollada ee Hay’adda NADFOOR,in Roobkii Deyrta ee sanadkani kaliya da’ay tobbonkii maalmood ee u horreeyay Bishii Oktoober 2021,qaybo badan oo Gobollada bariga ahna kama di’in.
Meelo badan oo hoos yimaad Gobollada Bariga( sool,sanaag iyo Togdheer) hadda waxa ka jira xaalad baad iyo biyo yari ah . Sidaa awgeed Dadka xoolo dhaqatada ee deegaanadaasi,iyagoo raadinaaya baad iyo biyo ,waxay u kala guurguurayaan Degmooyinka iyo Gobollada dalka soomaalilaand kaliya.
Kooxaha Sahaminta Xaaladda Abaarta ee Hay’addan NADFOOR,waxay ku qiyaaseen guud ahaan dadka Abaartu toos u saamaysay in ay yihiin tiro dhan ilaa 700,000 oo Qof ,una dhigma tiro dhan 116,000 oo Qoys, kuwaas oo ku nool dhammaan lixda Gobol ee waaweyn ee Jamhuuriyadda soomaalilaand.
Dadka Abaartu saamaysay waxay ugu kala sugan yihiin Gobollad sida ku xusan shaxankan soo socda.